Saturday, May 04, 2013

कैवल्याच्या चांदण्याला..

आज, उद्या, परवा, महिने, वर्षं अशीच निघून जातात. आपल्याच इच्छा, स्वप्नं, अपेक्षा, आपली असलेली आणि नसलेली माणसं सगळ्यांनी भोवती फेर धरलेला असतो. आपणही त्यांच्या तालात ताल मिळवू बघतो. कधी हे स्वप्न पकड, कधी त्या इच्छेकडे धाव घे, कधी कोणाला चुचकारून बघ. फिरता फिरता लक्षात येतं, जमीन तर कधीच सुटली. आता पाय ठेवायला इथे कुठेच काही नाही.जीव कासावीस होतो. कशाचा आधार शोधायचा तेच कळेनासं होतं. सगळा निरर्थकाचा भोवरा. खोल खोल जावं तसं अजून अजून रिकामी होत जाणारी ओंजळ . का, कशासाठी, कोणासाठी, कुठवर हे कधीच न सुटलेले प्रश्न.


क्वचित कधी पाय जमिनीवर टेकतात.स्वतःचीच पाळंमुळं तपासून बघू लागतात. मातीत हात घालून तण काढताना, अप्रतिम मराठीतली एखादी जबरदस्त कविता ऐकताना, मन लावून नाटक करताना, स्वतःला वाटतं ते हे असं तोडक्या मोडक्या, तुटपुंज्या शब्दात बसविताना, आपल्या असण्याचाच भाग असलेलं काहीतरी अनुभवताना. मुळाशी पोचल्याचा, आपल्याच गाभ्याला स्पर्श करून येण्याचा तेवढा क्षण काय तो खरा. तो क्षण संपल्यावर येणारा रितेपणाही खरा. बाकी सगळा नुसताच गलबला.

12 comments:

Anonymous said...

वा! मस्त लिहिलंय… छान वाटलं वाचून :)

Salil said...

Faaarch bhari!!

आश्लेषा said...

Thanks Salil aNi rishikesh :-)

gauri.kelkar said...

mast!!

Dhananjay Khare said...

Jinklis

आश्लेषा said...

Gauri - Thanks :-)

आश्लेषा said...

Dhananjay - :-)

Anonymous said...

Nice heading of article.apli sahaj pravrutti jyayoge chuchkarli jate tya goshti jeevanala artha detat, niswartha anand detat.jagayla prayojan puravatat

Anonymous said...

Maziya manat je vyakta te avyaktachi rahate, olakhichi saad aikata naaddhund houn jate,layamagna te ani nase kahi adhik,pari shunyatun nighate shunya parat ek,ba mana ha khel chalat ahe,anadi ani anant he shunya tatva ahe,pari ek layamagna poorna bhedite shunya kadhitari

आश्लेषा said...

@Anonymous - Thanks ! hoy apali sahaj pravutti ji asel tyachyashi miLatejuLate kahitari kelyavar kharach samadhan miLate. ata kay karu asa prashna tithe padat nahee.

kavita chnagali ahe..

विशाखा said...

मस्त आहेत तुझे दोन्ही ब्लॉग, आणि ही पोस्ट तर अगदीच जवळची!

आश्लेषा said...

thank you vishakha :-)